Njuolggadusat ja rutiinnat

Skuvlanjuolggadusaid ulbmil lea láhčit dili nu ahte ohppiin lea oadjebas ja buorre skuvladilli. Njuolggadusat leat maŋemus ođastuvvon 01.08.2025.

Skuvlanjuolggadusat jorgaluvvon sámegillii (fuomáš ahte njuolggadusat lovdata-siiddus gustojit).

Dáppe gávnnat njuolggadusaid lovdata-siiddus (dárogillii). 

Juohke oahppis lea vuoigatvuohta oadjebas ja buori skuvlabirrasii, mii ovddida dearvvašvuođa, fátmmasteami, loaktima ja oahppama. Skuvla ii dohkket láhttenvugiid mat loavkašuhttet earáid, nugo givssideami, olggušteami, veahkaválddálašvuođa, vealaheami ja trakasserema. Leat ohppiid iežaset vásáhusat skuvllas, mat mearridit ahte leago ohppiin oadjebas ja buorre skuvlabiras. 

Skuvlabirrasa njuolggadusat čužžot oahpahuslágas kapihttal 12.

Skuvlla doaibmageatnegasvuohta:

• bearráigeahččat ahte ohppiin lea oadjebas ja buorre skuvlabiras
• bissehit jus muhtin loavkašuhttá earáid
• dieđihit rektorii jus váruha dahje diehtá ahte muhtin oahppis ii leat buorre ja oadjebas skuvllas
• guorahallat ášši
• njulget ja rievdadit dili heivvolaš doaibmabijuiguin, ja ráhkadit čálalaš plána

Jus oahppi vásiha ahte oahpaheaddji dahje eará bargi loavkašuhttá su, de lea skuvllas earenoamáš ovddasvástádus čuovvulit dakkár áššiid. Loga eanet oadjebas ja buori skuvlabirrasa birra Udir.no neahttasiiddus: Retten til et trygt og godt skolemiljø.

Skuvlla rutiinnat: Plan for arbeid med trygt og godt skolemiljø

Dieđihit ášši stáhtahálddašeaddjái 

Skuvla čoavdá eanas áššiid ja ovttas ohppiiguin ja váhnemiiguin, ja geahččala gávdnat buriid čovdosiid. Skuvllas lea ovddasvástádus  ovtta vahkku siskkobealde sihkkarastit váhnemiidda ja ohppiide ahte sii barget juoidá diliin. Jus dilli ii buorrán dahje jus doaibmabijut eai leat doarvái buorit, de sáhttet oahppit ja váhnemat dieđihit dili stáhtahálddašeaddjái.

IKT-njuolggadusat sisttisdollet dataehtalaš njuolggadusaid mat buori gulahallama , buori ortnega ja buori bargodábiid čađa galget ráhkadit buori oahppan- ja bargobirrasa ohppiide Sámi joatkkaskuvllas ja boazodoalloskuvllas. Loga eanet njuolggadusaid birra dáppe: 

IKT-reglement for elever

Buot Sámi joatkkaskuvlla ja boazodoalloskuvlla oahppit galget duođaštit ahte sii váldet vára oahpponeavvuin, ja ahte oahpponeavvut leat buori ortnegis go máhcahit daid ruovttoluotta. Oahppis lea ekonomalaš ovddasvástádus daid ovddas maid skuvllas luoikkaha, ja maiddái šaddá buhtadit jus vahágat dáhpáhuvvet. 

Dáhkadus 
Skuvllas lea láhkageatnegahtton lihkohisvuođadáhkádus ohppiide. Dát dáhkádus guoská persovdnavahágiidda mat dáhpáhuvvet skuvlaáiggis, skuvlabáikkis ja doaluin maid skuvla lágida.

Dáhkádus ii govčča ohppiid persovnnalaš biergasiid, mat billašuvvet dahje láhppojit. Ovdamearkka dihte biktasiid, mobiilatelefovnna, čalbmelásiid, dihtora dahje eará dávviriid.

Buhtadusovddasvástádus

Buhtadusa jearaldagat jus biktasat dahje eará biergasat billašuvvet, árvvoštallojuvvojit dábálaš buhtadusrievttálaš njuolggadusaid mielde. Geahča vahátbuhtaduslága.

Jus galgá leat buhtadusovddasvástádus, de ferte dábálaččat:

• ekonomalaš vahát,
• dáhpáhus mii dagaha ovddasvástádusa (ávvirmeahttun dahje dáhtolaš),
• Sivvaoktavuohta dáhpáhusas ja vahágis.

Juohke ášši ferte konkrehtalaččat árvvoštallot.

Goas šaddá skuvlla ovddasvástádus?

Skuvlaeaiggát sáhttá šaddat geatnegas buhtadit, jus organiseremis, bearráigeahčus dahje rutiinnain leat váilevašvuođat, dahje jus vahát dáhpáhuvvá go bargit leat fuolakeahttá. Dát mearriduvvojit maiddái konkrehtalaš árvvoštallamiid vuođul.

Goas skuvla ii leat ovddasvástideaddji?

Skuvllas ii leat dábálaččat ovddasvástádus:

• jus vahát dáhpáhuvvá dábálaš stohkosiin dahje aktivitehtain,
• jus vahát dahje lihkohisvuohta dáhpáhuvvá, ja ii leat oktage sivalaš,
• jus biergasat láhppojit dahje billašuvvet, maid oahppi ieš lea váldán mielde.

Muittuhussan váhnemiidda ja ohppiide: oahppis lea ovddasvástádus persovnnalaš biergasiin maid skuvlii lea váldán mielde.

Vahágiid oktavuođasVahágiid oktavuođasVahágiid oktavuođas

Jus biktasat dahje biergasat billašuvvet skuvlaáiggis, de galgá dat dieđihuvvot gulahallanoahpaheaddjái dahje skuvlajođiheddjiide nu jođánit go vejolaš. Ášši de árvvoštallojuvvo gustovaš njuolggadusaid mielde.