Sámi ohppiin vuođđoskuvllas ja joatkkaskuvllas lea riekti oažžut oahpahusa sámegielas, vaikko gos Norggas oroše. Ohppiin geat orrot sámi guovlluin lea riekti oažžut oahpahusa sámegillii ja sámegielas. Lea skuvlaeaiggáda ovddasvástádus bearráigeahččat ahte ohppiid rievttit leat vuhtiiváldon. Jus ruovttuskuvla ii fála oahpahusa sámegielas, de ferte skuvlaeaiggát láhčit oahppái eará fálaldaga, dego gáiddusoahpahusa. Sámegieloahpahusa rievttii lahkavuođđu lea oahpahusláhka § 6-2.
Min skuvllas leat čeahpes ja hárjánan gáiddusoahpaheaddjit. Oahpahus lea Microsoft Teams bokte. Mii fállat maid hospiterema dáppe Guovdageainnus, nana giella- ja kultuvrabirrasis.
Váldde oktavuođa skuvllain, de oaččut eambbo dieđuid, tlf. +47 78 48 45 00 dahje postmottak@samisk.vgs.no.
Eambbo dieđut:
Sámegiela gáiddusoahpahusa rámmát
Sámegieloahpahusa rievttit