Jávkannjuolggadusat

Oahpahuslága láhkaásahusas leat njuolggadusat jávkama birra joatkkaskuvllas.

Jávkanráji njuolggadusat rivde 01.08.2025. Loga jávkanráji birra § 9-8 ja johtočállosis Rundskriv om fraværsgrensen.

Láhkaásahusa § 9-53 addá njuolggadusaid movt jávkan čállo oahppoduođaštussii ja gelbbolašvuođaduođaštussii.

Fuomáš ahte jávkanráji njuolggadusat ja njuolggadusat oahppoduođaštusa ektui eai leat juste seamma. Geahča 5. kapihtala johtočállosis.

Oanehaččat jávkanráji birra

Váldonjuolggadus

Joatkkaskuvlla oahppit geain lea eambbo go 10% jávkan ovtta fága jahkediibmologus, eai oaččo árvosáni fágas dahje jahkebealárvvoštallama árvosániin loahpas skuvlajagi fágads mii joatkká. Oahpaheaddji ii sáhte bidjat dakkár árvosániid.

Jávkan mii ii lohkko jávkanráji oktavuođas

Jávkan rievtti geažil mii lea čilgejuvvon oahpahuslágas, ovdamearkka dihte ráđđeaddin skuvllas dahje ohppiidráđibargu.
Dokumenterejuvvon jávkan. Rundskriv om fraværsgrensen čilge dárkilit mii lohkoo dokumenterejuvvon jávkamin.

Mii lea ođas 01.08.2025 rájes?

Oahppit buktet iešdieđáhusa jávkama ovddas mii guoská dearvvašvuhtii, gitta oláhit 10% jávkama ovtta fágas.
Jávkama mii boahtá maŋŋil go lea oláhan 10% ovtta fágas, ferte dearvvašvuođabargi duođaštit.

Jus dokumentere teorehtalaš ja praktihkalaš vuodjingeahččaleami, de dat ii čuoza jávkanprosentii.
Jávkanproseanta lohkko olles skuvlajahkái, ja ii lohkko šat sierra vuosttaš jahkebeale.