Don oahpat
Dan mielde maid fágaid válljet:
- matematihka ja eará reálafágaid
- fidnohutkama ja ekonomiija
- historjjá ja servodaga birra
- gielaid
- eará teorehtalaš fágaid ja muhtin praktihkalaš fágaid
Don berret
- liikot bargat teorehtalaš fágaiguin
- leat gearggus ovttasbargui, bargat struktuvrralaččat ja iešdisipliinnain
- liikot čállit dahje rehkenastit
- beroštit kultuvra- ja servodatdiliin
Don olahat
- studerengelbbolašvuođa ja sáhtát váldit alit oahpu
Jus válddát alit oahpu, de sáhtát šaddat
- buohccedivššárin, doavttirin dahje šibitdoavttirin
- inšenevran, juristan dahje ekonoman
- oahpaheaddjin, psylologan dahje dutkin
Dahje válljet ollu eará bargguid!
Fuomáš: Muhtun oahpuide gáibidit ahte leat váldán dihto reálfágaid, omd. inšenevra-, reálfága- ja medisiinna oahpuide. Sisabeassangáibádusaid gávnnat dáppe: samordnaopptak.no.
Sámegiella ja sámi kultuvra
Min luhtte ožžot buot oahppit oahpahusa sámegielas iežaset dásis. Vaikko guđiid fágaid válljet, de oahpat ealli sámi birrasis. Dus lea maid vejolašvuohta válljet muhtin prográmmafágaid main čiekŋudat eambbo sámi kultuvrii:
Sámi historjá ja servodat
Sámi visuála kultuvra - oahpa duddjot seammás go váccát oahppospesialiserema.
Sámi musihkka ja lávdi - bargga musihkain ja lávdebargguin, earret eará juoigamiin. Skuvla lea seamma visttis go Beaivváš sámi našunalteáhter, ja mii ovttasbargat.
Fágaid válljen oahppospesialiserema oahppoprográmmas
- oktibuot guhta prográmmafága (golmma jagis)
- čiekŋudeapmi ovtta prográmmasuorggis mas válljet guokte fága guovtti jagi badjel
- guokte friddja prográmmafága (golbma jus dus lea matematihkka R1) maid válljet vaikko guđe prográmmasuorggis
Mii fállat dáid prográmmafágaid:
Giella, servodat ja ekonomiija:
Eaŋgalasgiella
Kiinnálašgiella
Sámi historjá jea servodat
Fidnohutkan ja fitnodatovdáneapmi
Reálfágat:
Matematihkka R
Fysihkka
Kemiija
Biologiija
Informašuvdnateknologiija
Friddja prográmmafágat (vejolaš válljet jo1:s):
E-faláštallan
Aktivitehtaoahppu
Sámi visuála kultuvra (duodji)
Sámi musihkka ja lávdi