Vuosttaš skuvlabeaivi
Vuosttaš skuvlabeaivi bistá dii. 09.00-14.00. Maŋŋil oktasaš álggaheami ožžot klássat dieđuid iežaset gulahallanoahpaheaddjis ja teamas. Skuvla guossoha nuvtta borramuša dii. 12.00.
Muđui skuvla álgá juohke beaivve dii. 08.30. Mánnodagaid ja bearjadagaid nohká dábálaččat dii. 15.05. Disdagaid ja duorastagaid nohká dii. 15.55 ja gaskavahkuid nohká dii. 14.10.
Váhnenčoahkkin borgemánu 17. beaivvi
Dii. 16.00 lea váhnenčoahkkin jo1-ohppiid váhnemiidda.
Verddebearaš-ortnet
Jus leat eará guovllu oahppi, ja dárbbašat orrunsaji, váldde oktavuođa skuvllain. Mis lea verddebearašortnet. Dan birra gávnnat eambbo dieđuid dáppe.
Oahppi-PC
Ođđa oahppit dárbbašit oahppi-PC. Lea vejolaš diŋgot hálibbiduvvon PC skuvlla čađa. Áigemearri diŋgot jus galgá oažžut dan vuosttaš skuvlabeaivái lea borgemánu 10.b. Dáppe gávnnat eambbo dieđuid ja liŋka gos diŋgot: https://www.samisk.vgs.no/oahppi-pc.539485.se.html
Skuvlasáhttu
Dáppe leat dieđut ja ohcanskovvi: Videregående skole - Snelandia
Jus leat jearaldagat, de áinnas váldde oktavuođa minguin, tlf. 78484500
Mii skuvlla bealis illudit ođđa skuvlajahkái!